BAGUIO CITY – Pagparparikutan ita ti Baguio City Veterinary Office ti baro a disso nga agserbi a disposal area daytoy para kadagiti makumkumpiskarda a hot meat ken dagiti ma-euthanized nga aso.
Sigun kenni City Veterinarian Dr. Brigitte Piok, sigud nga ikalkalida dagiti makumkumpiskarda a hot meat ken dagiti aso a maipaspasidong iti euthanasia sadiay Baguio Animal Breeding and Research Center wenno Dairy Farm sadiay Green Valley.
Nupay kasta, kinunana a nabalakadanda nga agbirukdan iti baro a burrial site.
Dinakamat ni Dr. Piok a saanen a mabalin nga agitabonda iti masakupan ti nasao nga institution gaputa maaramaten ti lote daytoy para iti kanayunan pay a reaserch purposes ken pakaipasdekan ti kanayunan a pasilidad.
Gapu iti daytoy, kiniddaw ti Veterinary Office ti tulong ni Mayor Benjamin Magalong seknan iti nadakamat nga isyu.
Sigun met iti mayor, sukimatenna pay ti nasao a pakaseknan. (-with Bombo Brigitte Marcasi)
