Nadakamat dagiti naidumduma a nagan ti indibididual a nakaawat iti confidential funds iti maika-17 nga impeachment trial.
Iti direct examination ti prosecution counsel a ni Atty. Amando Ligutan, dinamag daytoy ti hostile witness a ni Acosta nu nakitana mismo nga impaay ti sigud a security chief ni VP Sara a ni Col. Raymund Lachica ti sag-P100,000 manipud iti confidential funds kadagiti recipient a da “Antonio Pagong” ken “Timon Andrew Pusa”.
Impetteng met ni Acosta a saanna a nakita mismo ti pannakaipaay dagiti pundo ngem kinunana a ni Lachica ti nangimplement iti daytoy.
Imparang metlaeng ti prosekusyon ti acknowledgement receopts ti maysa a “Don Piang” a nakaawat iti P250,000 ken “May Pamana” a nakaawa iti P150,000.
Naiparang metlaeng ti maysa pay a resibo a nainagan iti maysa a “Shane Ngitngit” a nakaawat met iti P150,000 manipud kenni Col. Lachica.
Kabayatanna, maysa pay nga agnagan iti Xuniso P. Belat ti nakaawat iti P100,000.
Apaman a nadamag ti testigo seknan kadagiti transaksyon, maysa laeng ti nagbalin a sungbat ni Acosta- saanna a personal a nakita ti pannakaipaay ti pundo kadagiti recipient manipud kenni Col. Lachica.