--Ads--
BAGUIO CITY – Agpapaimbagen iti pagagasan ti maysa a baro ditoy siudad ti Baguio kalpasan a binagsolna ti bukodna a bagi.
Agtawen daytoy iti 32, awanan trabaho ken residente ti San Carlos Heights, Irisan, Baguio City.
Maibasar iti imbestigasion, saan a nagustuan ti lalaki ti insawang ti kabsatna nga ag-dieta daytoy.
Gapu iti daytoy, nagturong ti lalaki iti kusina ken nangala iti kutsilyo ken kalpasanna ket binagsolna ti barukongna.
Dagus a naitaray ti lalaki iti Baguio General Hospital and Medical Center.
