Nangipaulog ti Department of Education (DepEd) iti baro a polisia a mangipaay iti overtime compensation para kadagiti public school teachers.
Gapu iti dayta, maikari dagiti manursuro iti 125% hourly rate ti overtime work dagitoy iti weekdays; 150% iti weekends ken holidays.
Iti kanito a saan nga umdas ti pondo, mabalin a mabaliwan ti overtime iti Vacation Service Credits (VSC), maitunos kadagiti pagannurotan ti DepEd.
Sigun iti nasao nga ahensia, kasapulan a dua nga oras ti overtime sakbay a kualipikado ti maysa a mannursuro iti monetary compensation.
Inyunay-unay ti DepEd a mabalin nga ag-claim dagiti manursuro iti agingga iti uppat nga oras nga overtime iti tunggal aldaw.
Nupay kasta, dagiti laeng addaan iti 30 classroom hours iti tunggal lawas ti maikari iti nasao a benepisio.
