--Ads--
Inwaragawag ni First Lady Liza Marcos, a mangbangon ti gobierno ti baro a presidential museum iti siudad ti Baguio iti kabiitan a panawen.
Panggep daytoy a makatulong iti panangitandudo iti panagkaykaysa ken mangipaay ti kanayonan nga adal kadagiti turista ken Pilipino, maipapan kadagiti agdama ken sigud a dadaulo ti pagilian.
Sigun kenni First Lady Liza Marcos, panggepda a tuladen sadiay Baguio Mansion House ti nalatak a Teus Museum tapno maimatangan a libre daytoy dagiti amin a turista nga agturong iti siudad.
Maipalagip a ti Teus Museum ti pakalaglagipan ti nadumaduma a pakasaritaan dagiti nagbalin a presidente ti Pilipinas a nakaikabilan dagiti koleksion dagitoy, agraman ti kawes, sapatos, bandera ken dadduma pay.
