BAGUIO CITY – Limmatak iti social media ti panagpropose ti maysa a lalaki iti kaayan-ayatna kalpasan a dimmanon ti nasurok 120,000 views ti video iti aldaw dagiti puso sadiay Baguio Rice and Fruits Public Market idi kalman.
Iti panakaiuman ti Bombo Radyo kenni Bonny Tami-ing,lalaki a nagpropose iti kaayan-ayatna saana a pinagsaganaan ti nasao a panagpropose.
Kinunana sinurprisana lang iti kaayan-ayat daytoy nu sadino kinnidawna ti suporta dagiti daduma a vendor sadiay a tumulong iti nasao a proposal daytoy.
Nupay kasta, dinakamat ni Tami-ing a naadaan dagitoy iti dua a bulan nga aggayem sakbayda nga opisyal a simrek dagitoy iti intimate a relasyon idi Enero 30 iti agdama a tawen.
Kabayatana, maragsakan ni Rhemelyn Pepe, maysa a vendor iti rice section ti panagpropose iti kaayan-ayat daytoy gaputa saanna nga ekspektaren ti panagprose daytoy.
Gapu iti daytoy,kinuna nga awan pay ti panggep dagitoy nga agkasar gaputa plano pay dagitoy nga agurnong.
Kagiddan dagitoy nagbalakadda kadagiti daduma nga aginayan-ayat nga iti panagtalek ken panangikamang iti Dios a namarsua ti susi tapnu mapatibker ti relasion dagitoy.
Maragsakan met dagiti nitizens a nangsaksi ti nasao a proposal ken kasta pay nga addu met dagiti naragsakan a nagkumento iti video dagitoy.