BAGUIO CITY – Nakemmeg ti maysa a baro gapu iti maatap a panangramesna iti maysa a balasitang iti uneg ti apartmentna ditoy siudad ti Baguio.
Ti suspek ket 28-anyos bayat a ti biktima ket menor de edad.
Maibasar iti blotter ti pulisya, inawis ti suspek ti biktima iti apartment-na tapnu kitaen ti tumulong a mangiyakar iti kagawaan daytoy.
Nupay kasta, bayat nga addada iti uneg ti apartment ket inruar ti suspek ti maysa a pakete a naglaon ti maatap a shabu.
Iimpilit ti suspek nga ipausar ti nasao a banag iti biktima ken gapu iti buteng ti biktima ket nagtungpal daytoy.
Sadiay metten a napasamak ti panangrames ti suspek iti biktima.
Naamuan a saan nga inreport ti biktima ti napasamak kadagiti otoridad gapu iti butengna ngem naamuan dagiti nagannakna ti panagtalinaedna iti apartment ti suspek ken ti panagaramatda iti maatap a shabu.
Dagus a nagkamang iti pulisya dagiti nagannak ti biktima no sadino, naduktalan pay a maatap nga ar-aramaten ti suspek ti biktima nga agilako iti iligal a droga.
Naipilan ti darum kontra iti suspek iti City Prosecutor’s Office.
