Nangisubmitir ti kampo ni sigud a President Rodrigo Duterte ti baro a batch ti ebidensia iti kasona a war on drugs iti International Criminal Court (ICC).
Maibasar iti dokumento a naisubmitir idi Nobiembre 5, dumanon ti 13 a klase ti ebidensia ti insubmitirda iti Office of the Prosecutor ken iti Office of Public Counsel for Victims (OPCV).
Pinirmaan daytoy ni Atty. Nicholas Kaufman nga abogado ni Duterte.
Nupay kasta, agtalinaed a kompidensial dagiti nadakamat a dokumento ken para laeng iti depensa, prosecution ken Office of Public Counsel for Victims.
Daytoy ti maikadua a batch nga insubmitir ti kampo ti sigud a presidente no sadino, naisubmitir ti umana a batch idi Setiembre a naglaon iti 29 nga items.
Maipalagip nga agdama a nakabalud ti sigud a presidente sadiay The Hague, Netherlands.
Sumangsango daytoy ti 49 a kaso ti murder ken attempted murder gapu iti kampaniana kontra iti illegal a droga idi mayor ti Davao ken presidente ti Pilipinas.
