Panggep ti House prosecution nga iparang dagiti baro nga ebidensiya kontra kenni Vice President Sara Duterte iti Senate impeachment court.
Dagiti baru nga ebidensiya ti pakakitaan a saan nga indeklara ni Vice President Sara Duterte iti Statements of Assets, Liabilities and Net Worth (SALN) daytoy dagiti bilang ti personal a sanikuada nga agatad iti minil-milion.
Sigun kenni House impeachment prosecutor ken Bicol Saro party-list Rep. Terry Ridon, paset daytoy ti pre-trial brief ti prosection a namnamaenda nga iparang kabayatan ti impeachment trial ni VP Sara Duterte.
Inlawlawag ni Ridon a dagiti baru nga ebidensiya ket dagiti sanikua ti bise presidente a karaman iti listaan dagiti opisina ti gobierno ngem saan a nailista iti Statement of Assets, Liabilities and Net worth document daytoy.
Impetteng ni Ridon a kasapulan a sukimatenda a nalaing amin a government agency a mabalin a nakailistaan dagiti sanikua ti bise presidente ken ti asawana.
Kabayatanna, iraman dagiti prosecution iti listaan dagiti tistigo, ken dagiti indibidual a mangpaneknek kadagiti ebidensiya a dokumeto.
