Inlawlawag ni Presiding Judge Joanna Korner iti umuna nga aldaw ti status conference International Criminal Court ita nga aldaw seknan iti kaso ni sigud a President Rodrigo Duterte, nasaysayaat nga adda pay nga umuna ti report manipud kadagiti eksperto seknan iti salun-at ni sigud a President Duterte sakbay iti sumaruno nga addang ti korte.
Kagiddan dayta, inbilin ni Judge Korner ti baro nga eksaminasyon iti salun-at ni sigud a President Duterte tapno maamuwan nu kabaelan pay daytoy a sumango iti panagdengngeg seknan iti sangsangwen daytoy a kaso a crimes against humanity.
Sigun kenkuana, napateg a maamuan pay nga umuna ti report manipud kadagiti eksperto a mangtaming iti sigud a presidente sakbay nga
Maipalagip a nangipila metlaeng ti depensa iti mosyon a pannakataming ni sigud a President Duterte.
Sigun gamin iti nasao a kampo, para laeng iti confirmation of charges ti maudi a pannakataming daytoy.
Natalantan metlaeng iti status conference dagiti nagduduma nga isyu kas iti pretrial deadline, panangisumitir iti ebidensya, translation a maaramat, ken disclosure of obligation iti dua a benneg.
Sigun iti International Criminal Court, kayat ti prosekusyon a marugian ti trial inton Nobyembre 30 bayat a kayat met dagiti legal representatives dagiti biktima a marugian a dagos ti panagdengngeg.
Kabayatanna, insingasing ti ICC Registry a inton Enero 2027 laengen a rugian gapu iti isyu seknan iti interpretation. Nupay kasta, inkeddeng ti korte a marugian daytoy inton Nobyembre iti agdama a tawen. //bombokaren.c.sapirao