Impaam-ammon ti International Criminal Court (ICC) ti baro nga agserbi kas legal counsel ni sigud a president Rodrigo Duterte iti kaso a crimes against humanity a sangsangwenna iti nasao a korte.
Ti nasao nga abogado ket ti Peter Haynes, maysa a British lawyer ken eksperto idiay international criminal defense.
Nagserbi daytoy kas dadaulo ti International Criminal Court Bar Association ken addaan daytoy iti 30 a tawen nga experience iti kinaabogasya.
Nagserbi metlaeng daytoy kas abogado idi ni Joseph Kony, maysa nga Ugandan militant ken warlord a nangitandudo iti Lord’s Resistance Army.
Mabigbigbig metlaeng ni Haynes iti pannaka-acquit ti maysa a Congolese politician a ni Jean-Pierre Bemba a naarestar metlaeng iti kaso a crimes against humanity ken war crimes.
Iti insumitir ni Atty. Nicholas Kaufman a withdrawal documentna idi napalabas a lawas iti ICC, inladawanna ti abodago a sumukat kenkuana kas eksperto ken addaan iti ‘wealth of experience’ iti International Criminal Court.
“Counsel has spoken to Mr. Haynes who has indeed confirmed that he is ready willing and able to assume immediate representation and that his terms of engagement have been agreed. Counsel informed Mr. Haynes of pending deadlines and Mr. Haynes assured him that he will be able to attend the status conference set for 27 May 2026,” immunan nga impakaammo ni Kaufman iti nasao a korte.
Maipalagip nga immuna metlaeng a kinumpirmar ni Kaufman nga adda ti impluwensiya ti asawa ni sigud a president Duterte a ni Honeylet Avanceña ken annakda a ni Veronica iti panangpili iti baro nga agserbi kas abogado ti sigud a presidente. //bombokaren.c.s
