BAGUIO CITY – Manamnama a maibangon ti baro a pasdek para iti Police Station 9 idiay Purok 12, Barangay Irisan, Baguio City.
Kasaruno daytoy ti naopatungpal a ground breaking ceremony iti nasao a lugar babaen iti panangidaulo ni Mayor Benjamin Magalong, City Director PCol. Francisco Bulwayan Jr., Irisan Municipal Police Station, ken daduma pay.
Maipalagip a ti 300 square meter ti daga ken indonar ti Barangay Irisan.
Agyamyaman met ni PCol. Bulwayan Jr. iti nasao a barangay, City Environment & Natural Resources Office (CENRO), City Engineering Office, City Planning, Development, and Sustainability Office (CPDSO), Department of the Environment & Natural Resources-CAR (DENR-CAR), PROCOR Regional Headquarters, ken Local Government Unit gapu iti panakikaykaysa dagitoy tapno marugyan ti proyekto.
Kabayatanna, daytoy ti kaunaan a gundaway a mainagan ti lote ken property iti Baguio City Police Office.//Bombo Jez Lapizar
