--Ads--
Inawat ti Philippine Air Force (PAF) dagiti lima a baro nga S-70i Black Hawk helicopters kabayatan ti Acceptance, Turnover and Blessing Ceremony idiay Haribon Hangar, Clark Air Base, Mabalacat City, Pampanga itay nabiit.
Naisangpet iti pagilian dagiti nasao a helicopters idi July 15, 2025.
Paset daytoy ti 32-unit acquisition babaen ti direct contract iti Poland’s PZL iti Armed Forces of the Philippines (AFP) Modernization Program.
Kabayatanna, insayangkat ti Department of National Defense, AFP ken PAF ti Technical Inspection and Acceptance process tapno masigurado a natumpal ti operational standards ken specifications iti daytoy.
Dagitoy ket patarayen ken imintiner ti 205th Tactical Helicopter Wing babaen ti Air Mobility Command.
