BAGUIO CITY – Adun ti nagpa-re-book kadagiti nagaplikar para iti voter’s registration iti Commission on Elections (COMELEC) – Baguio.
Iti interview ti Bombo Radyo Baguio, kinuna ni City Election Officer Atty. John Paul Martin a dagiti nagpa-re-book ket dagiti immunan a nag-schedule iti October 30 ken 31 ken November 2.
Inlawlawgna nga intunda daytoy ti panakaiwaragawag ti panagbaliw iti schedule ti panaglukat ti opisinada kas maitunos iti baro a pagalagadan nga inyulog ti COMELEC Central Office.
Kinunana nga agbalinen nga uppat nga aldaw wenno manipud Lunes agingga Huwebes, iti alas otso ti agsapa agingga alas-tres ti malem ti panaglukatda para iti voter’s registration ken dadduma a transaksion.
Innayonna a nupay aglukatda iti aldaw ti Biyernes, daytoy ket para iti disinfection.
Epektibo daytoy inton November 3.
