Naipatungpal ita nga aldaw ti baro a sistema iti panagkolektar iti segregated waste iti innem a pilot barangays iti siudad ti Baguio.
Karaman ti Barangay Irisan, Guisad Central, Gibraltar, Bakakeng Central, Dominican-Mirador ken Happy Hallow.
Para iti biodegradable waste, maisayangkat ti koleksyon tunggal Sabado, bayat a ti residual waste ket makolektar iti maysa a daras iti tunggal lawas, maibasar iti sigud nga schedule iti panangkolektar.
Kabayatanna, ti recyclables ket makolektar tunggal Miyerkules idiay Bakakeng Central, Dominican-Mirador ken Guisad Central; Huwebes idiay Happy Hallow; Biernes idiay Irisan ken Sabado idiay Gibraltar.
Nagpalagipda kadagiti umili nga i-segregate a nasayaat ti basura sakbay daytoy a kolektaren.
Para iti recyclables, rumbeng nga awanan daytoy iti linaon, nadalus ken namagaan.
Nainget metlaeng a maipatungpal ti “No Segregation, No Collection” policy para iti nadaldalus ken sustainable Baguio City.
Kabayatanna, agtalinaed ti agdama nga shedule iti panangkolektar iti basura iti dadduma pay a barangay.