BAGUIO CITY – Pimmusay ti maysa a baro kalpasan a binugbog dagiti saan pay a nabigbig suspek sadiay La Trinidad, Benguet idi rabii.
Nabigbig daytoy a ni Denver Munar Belen, 18-anyos, tubo ti San Juan, La Union ken residente ti Western Buyagan, La Trinidad, Benguet.
Segun iti La Trinidad PNP, nakaawatda iti impormasyon manipud iti Benguet General Hospital mainaig iti pasyente dagitoy a nabugbog.
Dagusda a nagturong iti nasao nga ospital tapnu agimbestigar ngem pimmusay ti nasao a baro itay parbangon gapu iti neurogenic shock.
Naamuan a dua a babai ken uppat a lalaki ti nangitaray iti biktima iti ospital.
Iti agdama ket kitkitaen dagiti otoridad nu adda ti CCTV camera iti nakapasamakan ti insidente, nu adda ti testigo ken nu anya ti motibo iti nasao a panagbugbog.
