BAGUIO CITY–Pimmusay ti maysa a baro kalpasan nga aksidente a pinaltugan ti security guard ti maysa a convenient store sadiay Km 6, Poblacion, La Trinidad, Benguet.
Nabigbig ti biktima a ni John Paul Sallaya bayat a ti suspek ket ni Mark Vergil Pajarillo, 22 anyos, baro ken residente ti Brent Road, Teachers Camp, Baguio City.
Maibasar iti report, nagturong ti biktima ken ti maysa a kadwada iti nasao nga sort ken naggatangda iti maysa a bote ti arak.
Nupay kasta, binittak ti biktima ti bote iti sangwanan ti store a nangitunda iti panagamak dagiti dadduma a costumer.
Gapu iti daytoy, inkagumaan ti security guard nga anawaen ti mangkibkibor a biktima.
Kalpasan ti sumagmamano a minutos, nagsubli ti biktima iti nasao nga store a nakimet tii bolo wenno boneng ken ginandatna a mangriribok manen iti nasao a lugar.
Ginandat ti biktima a tagbaten ti suspek ngem dagus nga inasot ti gwardia ti paltogna ken pinaputukanna ti biktima.
Naiturong pay ti biktima iti Benguet General Hospital ngem naideklara a pimmusay.
Boluntaryo met a simmuko kadagiti otoridad ti gwardiya a suspek.
