Ad-adalen ti Department of Agriculture ti bassit a suplay ti laya iti pagilian a Pilipinas tapno masolusyunan daytoy kagiddan ti panagngato ti presyo daytoy kadagiti merkado publiko.
Sigun kenni Department of Agriculture Undersecretary Ching Caballero, napateg unay ti laya saan laeng a kasapulan kas pampalasa kadagiti lutuen a taraon, no dikit adu pay ti maitulong daytoy.
Gapu iti daytoy kinuna dagiti opisyales iti Department of Agriculture nga agtultuloy ti panagmonitorda iti volume daytoy a maar-aramat kadagiti pagtaengan, kasta met dagiti maiprosproseso agsipud ta adda pay dagiti panggep dagitoy para iti processing requirements.
Maibasar iti kaudian a price monitoring ti nasao nga ahensya, dumanonen iti P280 agingga P300 tunggal kilo ti presyo ti laya kadagiti merkado publiko idiay Metro Manila.
Tapno masolusyunan daytoy a parikut, kitkitaen ti Department of Agriculture dagiti dadduma pay a lugar nga asideg idiay Metro Manila no adda pay ti available nga suplay daytoy.
Iti agdama, ad-adda pay ti panagregget dagiti maseknan nga ahensya tapno manayunan ti produksyon ti nasao a produkto tapno maliklikan ti kinukurang ti suplay daytoy inton sumarsaruno a tawen.
