Agtultuloy nga ipatpatungpal ti Barangay South Drive ti programa dagitoy a “Basurang pulot mo, bigas palit ko.”
Iti panakiuman ti Bombo Radyo kenni Leonila Loreto, kapitan ti Barangay South Drive, kinunana a daytoy a programa ket naituding a pakipasetan dagiti ubbing nga agtawen iti pito agingga katorse nu sadino tunggal kagidwa a kilo a basura a nakolektar dagitoy ket maysa a kilo a bagas ti kasukatna.
Sigun kenni Loreto, panggep ti nasao a programa nga ipakaammo kadagiti ubbing iti nasapa nga edad dagitoy a dakkel ti reponsibildad-da iti panag-aywan iti aglawlaw.
Dumanonen met iti agarup lima a cavan ti bagas ti naipaayda kadagiti ubbing iti nasao a programa a “Basurang pulot mo, bigas palit ko.”
Kabayatanna, al-allukoyen ni Loreto dagiti ubbing a makipaset iti daytoy a programa a maipatpatungpal tunggal Sabado.//Bombo Mera Pacpacan
