BAGUIO CITY—Nakafull alert itan ti Bauko Police sadiay Mt. Province kontra kadagiti maatap kadagiti kameng ti NPA.
Sigun kenni PI Luis Dangatan Jr., chief of police ti Bauko MPS, nangrugi manen nga agaramid iti saan a maiparbeng dagiti kameng ti New People’s Army (NPA).
Kinunana a nangimuntar dagitoy iti checkpoint kadagiti kalsada a paturong iti probinsiya ti Mt. Province nangruna ta iti munisipyo ti Bauko ti kangrunaan nga pagserkan paturong kadagiti nagduduma a munisipyo ti Mt. Province.
Kinunana a manarimaan ti verification dagitoy kadagiti maatap a kameng ti NPA nga agrikrikos sadiay.
Innayuna nga inertenganda metlaeng ti panagpatrolyada iti rabii tapnu maipanamnama ti linak ken kapia sadiay ken tapnu mamonitorda nu adda dagiti indibidual a mapagduaduaan ti garawna.
Kinunana a kadagiti napalpalabas a tawen nangruna idi 1980’s ket talaga a hotspot dagiti kameng ti NPA ti nasao a munisipyo ken adda pay ti napaspasamak nga ingkwentro ken ambush sadiay.
Binalakadanna pay dagiti umili sadiay a nasken nga agtungpal dagitoy iti naituding a curfew nangruna kadagiti menor de edad ken ireport-da a dagus nu adda man ti makitada a mapagduaduaan ti garawna nangruna kadagiti kabarbaru a rupa nga agkatang-katang sadiay.
