Mabalinen a pasyaran ti publiko ti Bayan Park sadiay Aurora Hill, Baguio City kalpasan ti pormal a panakailukat daytoy idi kalman.
Ti cermenonial ribbon cutting ti nasao a parke ket inaduloan dagiti opisyales iti siudad.
Sigun kenni City Environment and Parks Management Officer Rhenan Diwas, ti parke ket manglukat iti oras ti alas singko iti agsapa angingga alas osto ti malem.
Daytoy a parket ket isu’t mabigbigbig a flagship project ti gobyerno.
Addaan daytoy iti panggep a mangitandudo iti salun-at, recreation ken community connection.
Iti Bayan Park, makita dagiti amenities kas iti jogging paths, skateboarding area, children’s playground, picnic areas ken daduma pay.
Maipalagip a ti nasao a proyekto ket nangrugi idi tawen 2022 ken daytoy ket agserbi kas benchmark kadagiti community parks a maibangon iti siudad.
