BAGUIO CITY – Nakemmeg ti maysa a beautician iti naisayangkat a buybust operation sadiay North Sanitary Camp, Baguio City.
Nabigbig daytoy a ni Armando Estela Jr, 41 anyos, tubo ti Santiago Isabela ken residente ti Purok 3 North Sanitary Camp, Baguio City.
Maibasar iti report, nailista ni Estella kas Regional Top Ten Illigal Drug Personality – High Value Indivual(HVI) ditoy rehiyon Cordillera iti agdama a tawen.
Iti naisayangkat nga operasyon, inlako ti suspek ti maysa a small heat sealed transparent plastic sachet a naglaon iti mapapati a shabu nga agdagsen iti 0.5 grams ken aggatad iti 3,000 ngem addaan iti Standard Drug Price a 3,400.
Malaksid iti dayta, nakumpiskar manipod kenkuana ti kanayunan a dua a pidaso ti small heat-sealed transparent plastic sachet a naglaon iti mapapati a shabu nga agdagsen iti 1.34 grams nga addaan iti Standard Drug Price a 9,112 pakairamanan ti buybust money ken cellphone a naaramat iti transaksyon.
Gapu iti dayta, sumango ni Estella iti kaso a panaglabsing iti Section 5 ken Section 11 ti Article II ti RA 9165.
Naduktalan pay a siguden a nakemmeg ti suspek iti kapada a panaglabsing.
