Manamnama ti panagngato ti benepisio a magun-od iti PhilHealth nangruna ita a nabara ti panawen a manamnama ti posible a panagngato dagiti sakit a mainaig iti pudot.
Sigun kenni Rey Baleña, vice president ti PhilHealth corporate affairs a ngimmato iti 30% ti benefits package para iti heat stroke ken heat exhaustion, a nangrugi idi Pebrero iti agdama a tawen.
Maksid iti dayta, immadu pay ti benefits packages para kadagiti dadduma a sakit pakairamanan ti insurance para iti breast cancer a sakopna itan dagti amin nga stages ti nasao a sakit.
Mainaig iti dayta, ngimmato ti maximum coverage manipud P100,000 agingga iti P1.4 million bayat a naingato ti maximum benefit para iti acute ischemic stroke manipud iti P28,000 agingga iti P76,000, idinto a ngimmato manipud P38,000 agingga iti P80,000 ti para iti acute hemorrhagic stroke ken para iti high-risk pneumonia a ngimmato manipud P32,000 agingga iti P92,000 ti maximum coverage ti PhiliHeath.
Kabayatanna, manamnama nga umadu ti case rates para iti innem pay a sakit ita a tawen.
