Dua nga agsaruno nga sports event ti maangay iti Benguet gapu ta kalpasan ti manarimaan nga Benguet Athletic Provincial Meet ket maangay met iti nasao a probinsiya ti 2025 Cordillera Administrative Region Athletic Association (CARAA) Meet inton Pebrero 2025.
Iti panakiuman iti Bombo Radyo kenni Caesar Luma-ang, Provincial Sports Officer iti Department of Education-Benguet,arigna ket dry run para kadakuada ti manarimaan a provincial meet.
Imbinglay ti opisyal a karaman kadagiti isagsaganaanda dagiti biletting schools nu sadino, sigun iti opisyal ket kasapulanda iti walo a dadakkel a pagadalan pakaramanan ti CCDC nga ikonkonsiderada a mangakomodar iti maysa a delegasyon.
Innayon ni Luma-ang a karaman pay kadagiti ipangpangrunada dagiti maaramat a comfort room, ken dagiti water tank tapno agbalin a komportable dagiti atleta.
Impasiguradona met a nainget ti panakikoordinarda iti provincial governmet para iti naballigi a panangsangaili dagitoy iti sumangbay a 2025 CARAA Meet.//Bombo Rob Dominguez