BAGUIO CITY – Tarigagay ti Benguet Police Provincial Office nga agbalin a natalna ken nakappia ti maangay a Barangay ken Sangguniang Kabataan (SK) Elections iti intero a masakupan ti probinsia.
Kagiddan iti daytoy, imapanamnama ni PSSupt. Lyndon Mencio, dadaulo ti Benguet PNP a naka-alerto itan dagiti amin pulis iti probinsia nga agbantay iti masungad nga eleksion.
Kinunana nga amin a 1,419 a voting precint ken 734 a clustered precincts iti probinsia ket mapatuludan iti pulis.
Kabayatanna, ibalbalakad met ni Benguet Governor Crescencio Pacalso ti panangpatalinaed dagiti umili ken opisiales iti napintas a kultura iti naannayas ken patas nga eleksion.
Innayonna a nasken latta nga agbalin a naridam dagiti umili ken pulis kadagiti posible nga insidente a mapasamak iti probinsia.
