BAGUIO CITY – Pakabuklan a 3,370 iti beterano nga agpenpensyon iti agdama iti rehiyon Cordillera.
Sigun iti Philippine Veterans Affairs Office (PVAO), awan ti delay a mapaspasamak iti panakaipaay ti pension dagitoy babaen iti pension remittance account wenno ti pinili da nga accredited bank.
Ti pension dagitoy ket transferable kadagiti pamilya dagitoy.
Malaksid iti dayta, inlawlawag met ni Cherrylyn Sabling, mangidadaulo iti Philippines Veterans Affairs Office a saan laeng dagiti World War 2 veterans dagiti maawagan kas veterans gapu ta karaman dagiti retired Army, personnel wenno anya man a sangay ti militar.
Nupay kasta, dagiti mabalin laeng nga agaplikar iti pension ket dagiti honorably discharged, saan a nag-AWOL, nagserbi iti serbisyo iti uneg ti dua pulo a tawen.//Bombo Jerwin Aquino
