--Ads--
BAGUIO CITY – Nakasaganan dagiti kameng ti Bureau of Fire Protection (BFP) – Baguio iti isasangbay ti aniaman a didigra nangruna ita a panawen ti tudo.
Iti panakiyuman ti Bombo Radyo kenni SFO3 Camillo Balancia, panakangiwat ti BFP-Baguio, kinunana a saan laeng a no adda ti uram a nakasagana dagitoy ngem uray ita a panagtutudo.
Innayonna a mangisaysayangkat ti BFP iti panagsanay seknan iti panagresponde iti kanito nga adda ti emerhensiya ken didigra ditoy siudad.
Dinakamatna pay a nakaalerto ken makikokoordinar ti opisinada kadagiti nagduduma nga establisyemento ken barangay para iti papartak a panagrespondeda iti kanito nga ada iti panaglayos. (-with Bombo Nikki Agsiweng/ Bombo Charles Nikko Limon)
