BAGUIO CITY – Mangipatulod ti Bureau of Fire Protection (BFP) – Cordillera kadagiti personnel ken fire trucks daytoy nga agserbi a contingent para iti ASEAN Summit sadiay Manila manipud inton bigat, November 4 agingga inton November 16.
Sigun kenni San Ubaldo Esteban, maysa a Non-Uniformed Personnel ti BFP-Kalinga ken maysa kadagiti maipatulod iti nasao a Summit, maysa a grupo ti agtaud saiday nga idauluan ni SFO1 Romarico Dacuycuy manipud iti BFP-Lubuagan.
Dinakamatna a ti pakabuklan a contingent manipud iti rehion ket idauluan ni Regional Director FSSupt. Maria Sophia Mendoza.
Innayonna a buklen daytoy ti innem a bunggoy nga addaan 11 a miembro a pakairamanan dagiti napili a team leader bayat a tunggal bunggoy ket mangitugot iti maysa a fire truck.
Impannakkelna pay a saan laeng a mangsebseb iti apoy ti ipaayda a tulong ngem ketdi, kabaelanda pay a tumulong no adda ti emerhensia, no kasapulan ti panag-rescue ken dadduma pay nangruna ta dagiti nasao a contingent ket naipasidong iti nainget a panagsanay.
Naamuan a karaman metlaeng daytoy iti contingent manipud ditoy rehion a naipatulod iti 2016 ASEAN Summit a naangay ditoy pagilian.
Namnamaenda pay a naannayas ti panakaisayangkat ti 2017 ASEAN Summit ken napintas ti agbalin a koordinasyonda kadagiti kakaduada a mangipaay ti seguridad ken agbantay iti daytoy.
————- Filipino translation —————
BAGUIO CITY – Magpapadala ang Bureau of Fire Protection (BFP)-Cordillera ng mga personnel at fire trucks na magsisilbing contingent para sa ASEAN Summit na magaganap sa Metro Manila mula bukas, November 4 hanggang November 16.
Pangungunahan ito ni BFP-Cordillera Regional Director FSSupt. Maria Sophia Mendoza.
Ayon kay San Ubaldo Esteban, isang Non-Uniformed Personnel ng BFP-Kalinga at isa sa mga maipapadala sa Summit, mayroong anim na grupo na binubuo ng tig-11 miyembro na may isang fire trucks ang maipapadala sa Maynila.
Tiniyak niya na hindi lamang ang pag-apula sa mga sunog ang nakahanda nilang gawin kundi gayundin ang pagtulong sa mga tao kapag mayroong mga emergency.
Inaasahan ni Esteban na magiging maayos at mapayapa ang pagsasagawa sa 2017 ASEAN Summit sa pamamagitan ng magandang koordinasyon sa mga kasama nilang magbibigay seguridad sa nasabing aktibidad.
