--Ads--
BAGUIO CITY- Impetteng ni City Administrator Engr. Bonifacio dela Peña a saan pay a maisubli ti operasyon dagiti bus a paturong sadiay Region 1 ken iti dadduma a lugar.
Sigun kenkuana, gapu paylaeng daytoy iti agbalbaliw a pagalagadan a maipatpatungpal kasaruno ti agtultuloy a pannakailista ti siudad iti nangato a kaso ti COVID-19.
Maipalagip a naipanamnama ti pannaka-adal ti pannakisubli ti operasyon ti Public Transportation wenno biahe dagiti bus a paturong sadiay Ilocos, La Union ken dadduma pay a lugar.
Nupay kasta, kinuna ni Engr. dela Peña a saanda pay nga ituloy daytoy ita gapu iti kumarkaru nga sitwasyon ti siudad iti agdama a pandemya.
