BAGUIO CITY- Ngimmato ti datos ti Population Commission Cordillera (POPCOM-CAR) seknan iti panagnsurot iti family planning iti rehiyon Cordillera.
Maibasar iti datos nga impresenta ti POPCOM-CAR, dumanon iti 131,900 ti bilang dagiti agasawa nga agar aramat iti family planning idi napalabas a tawen nu ikumpara idi tawen 2019 a dumanon laeng iti 9.27% wenno katukad ti 120,700 nga agasawa.
Manipud iti nasao a bilang, nagtaod ti kangatoan a bilang a mangiap-aplikar iti family planning sadiay Benguet, sinaruno ti Baguio City, Ifugao, Kalinga, Apayao, Mt. Province ken Abra.
Sigun ken POPCOM Regional Director Magdallena Abellera, naobserbaran nga iti baet ti pannakaipasidong ti rehiyon iti quarantine ken lockdown ket addu latta a babbai ti nag-usar iti contraceptives.
Kinunana nga agtultuloy ti panagrikus ken panangiwaras dagiti health workers iti family planning commodities iti tunggal pamilya nangruna iti nasusulinek a lugar tapnu addu ti maguyugoy a mangipatungpal iti family planning.
