BAGUIO CITY – Inyunay-unay ti City Health Services ti kinapateg a mapaka-amoan dagiti young adults ken agtutubo iti kinapateg ti HIV free environment ken umno a panakinaig.
Kasaruno daytoy ti ngumatngato a kaso wenno bilang dagiti agpospositibo ti HIV kadagiti young adults ken teenagers iti lokalidad saan laeng nga iti intero a Pilipinas.
Iti interview ti Bombo Radyo Baguio kenni Asst. City Health Officer Dr. Celia Flor Brillantes, imbinsana nga kaadoan kadagiti agtutubo wenno young adults ita ket makipaspaset iti nasapa a panakainaig.
Gapu iti kinakurang ti pakaammoda iti natalged a panakainaig, ada dagiti agresresulta iti kaso ti Human immunodeficiency virus (HIV).
Inkalinteganna pay a nangato risgo iti HIV ken dadduma pay a sakit nu saan nga natalged ti panakainaig ken awanan ti proteksion.
Impeksana a sagrado koma ti panakainaig ken saan a pagbalinen dagiti ubbing nga casual nga aktibidad tapnu maliklikanda a makaala ti sakit nangruna nu aktibo dagitoy ken saan nga permanente dagiti partners wenno makadkadwada.
Agtalek pay daytoy a masapol ti kanayunan a pakaammo kadagiti young adults ken agtutubo iti umno nga impormasyon seknan ti panakainaig.
