--Ads--
BAGUIO CITY – Naksayanen dagiti bikers nga agturturong ti municipyo ti Atok, Benguet kalpasan a nairtengan ti checkpoint ken ti pammilin a masapul nga adda ti health clearance dagitoy kabayatan ti panagdalyasatda iti Halsema Highway.
Sigun kenni Mayor Raymundo Sarac, naobserbaranda a bimmasit dagiti bikers kalpasan nga inirtenganda ti checkpoint sadiay Km.21, Brgy Caliking, Atok, Benguet.
Kinunana nga addan ti sumagmamano a napasublida kalpasan a naduktalanda nga awananda iti kaskenan a dukomento.
Kabayatanna, kinuna pay ti mayor nga iti agdama ket nakarikep paylaeng dagiti tourist spot sadiay Atok, Benguet.
