Immadu iti agarup maysa a gasut ti bilang dagiti Chinese militia vessels a namonitor dagiti Philippine Navy iti West Philippine Sea, bayat ti panangrugi ti Balikatan Exercise dagitoy no idilig iti napalabas a tallo pulo agingga iti innem a pulo a barko iti tungal lawas.
Impeksa ni Commander Marco Sandalo, Commanding Officer ti BRP Davao del Sur nga agtultuloy paylaeng ti presencia dagiti warship ti China bayat ti maisaysayangkat a multilateral maritime exercise iti amianan a laud ti Palawan, sadiay West Philippine Sea.
Malaksid iti dayta, naimatangan dagitoy itay nabiit ti Chinese Navy vessel iti agarup innem agingga siam a nautical miles ti kaadayona iti lugar ti manarimaan nga exercise.
Nupay kasta, saan a nangapektar daytoy iti manarimaan a Balikatan ti nagbaetan ti Pilipinas ken dadduma pay a pagilian.
