Impakaammo ti Commission on Higher Education a ngimmato ti bilang dagiti college graduates nga awanan iti trabaho iti pagilian.
Sigun kenni CHED Chairperson Shirley Agrupis, manipud iti 35.6 percent a bilang dagiti college graduate nga awanan iti trabaho, ngimmato daytoy iti 2.6 percent maibasar iti kaudian a Labor Force Survey ti Department of Labor and Employment (DOLE).
Innayon ni Agrupis a daytoy ti mangipasimudaag a dagiti educated citizens wenno nakaturpos iti higher education ket marigatan a makabirok iti trabaho.
Sigun kekuana, saan nga agtunos ti paglaingan dagiti nagturpos kadagiti maidiaydiaya a trabaho.
Gapu iti dayta, kinunana a masapul a sustineren ti pagilian ti panagrang-ay bayat a masigurado a dagiti trabaho ket maitunos iti skills dagiti nagturpos.
