Impakaammo ni Benguet Governor Melchor Diclas, naobserbaranda ti panagngato ti bilang dagiti dialysis patient iti probinsia ti Benguet.
Sigun kenkuana, umub-ubing dagiti dialysis patient iti nasao a probinsia.
Innayon ni Governor Diclas a posible a resulta daytoy ti aglawlaw kenti panagbalbaliw ti life style ti maysa a tao.
Daytoy ti kinuna ti nasao nga opisyal kagiddan ti pannakailukat ti baro a dialysis center iti Munisipyo ti Atok idi March 13, 2026.
Kabayatanna, impeksa ni Dr. Joseph Giovanni Frias, Chief of Hospital ti Atok District Hospital a dakkel ti tulong ti pannakaipasdek ti Dialysis Center iti nasao a munisipyo.
Innayon daytoy nga addan ti lima a machine ti nasao a dialysis center no sadino, posible a makaakomodar iti 10 a pasiente iti inaldaw.//Bombo Noveh