--Ads--
Dumanonen iti siyam a pulo ket pito a journalists ti pimmusay iti nagbaetan ti gubat idiay Israel ken Gaza.
Sigun iti Committee to Protect Journalists, maibilang daytoy kas deadliest period para kadagiti journalists, kalpasan a nangatngato daytoy no idilig iti datos idi 1992.
Malaksid iti daytoy, nagsagrap pay ti nakaro a sugat dagiti sangapulo ket innem a journalists, uppat dagiti mapukpukaw, bayat a dua pulo ket lima ti naarestar.
Kabayatanna, manarimaan paylaeng ti panangkumpirmar ti Committee to Protect Journalists, iti damag nga adda dagiti journalist a mapapati a madangdangran, mabutbuteng ken madadael dagiti opisina ken pagtaengan dagitoy.
