--Ads--
BAGUIO CITY – Immado dagiti lallaki iti Cordillera Region a nagbalin nga interesado iti Non-Scalpel Vasectomy (NSV) a paset ti family planning kabayatan ti agdama a pandemya.
Sigun kenni POPCOM-Cordillera Information Officer III Job David Manalang, dumanon iti agarup 50 a lallaki ti nailistada a nagdamag maipapan ti vasectomy idi napalabas a tawen.
Dinakamatna a sakbay ti pandemya ket maysa weno dua laeng dagiti maaw-awatda nga inquiry mainaig iti nasao nga addang ti family planning.
Sigun kenkuana, nagbalin a nasirib dagiti lallaki iti panagdesisyon ken panagplano para iti pamilyada kabayatan ti pandemya.
Innayonna nga inkonsidera dagitoy ti economic, pyschological ken emotional conditions ti pamilya dagitoy.
