BAGUIO CITY – Bimmaba ti kaso ti child abuse a nailista iti probinsiya ti Benguet manipud Enero agingga Mayo ti agdama a tawen no idilig iti bilang a nailista idi napan a tawen iti kapada a panawen.
Iti interview ti Bombo Radyo Baguio, kinuna ni PSWD-Benguet Officer Juana Banawe a nakailista ti probinsiya iti 42 a kaso ti panag-abuso kadagiti ubbing, nababa daytoy iti 55 a kaso a nairekord idi napan a tawen.
Kinunana a resulta daytoy ti quarantine restrictions gapu iti pandemya a nangipaay iti naan-anay nga oras a panagtalinaed dagiti nagannak wenno guardian iti sidong ti anakda tapno mabantayan dagiti ubbing.
Dinakamatna a kangatoan a nairekord a wagas ti panagabuso ket ti panagrames nga addaan iti 12 a kaso bayat 10 a kaso iti incest rape, pito a a kaso iti emotional abuse, innem iti physical abuse, lima a kaso iti act of lasciviousness, saggaysa a kaso iti neglect ken iti cybercrime.
Nailista met ti municipyo ti Itogon a kangatoan a kaso ti panagrames ken incest rape nga addaan iti lima ken uppat a kaso, sarunuen ti Kapangan, La Trinidad, Tublay, Mankayan a nakailista iti sagdudua a kaso ken maysa iti municipyo ti Atok.
Kinuna ni Banawe nga agtawen iti uppat ken ken pito dagiti ti panagrames no sadino suspek dagiti step father, step grand father, kaaruba, mismo nga ama, uliteg ken kabagyan ti biktima.
Manipud iti nasao a bilang, 16 a kaso nga adda pakainaiganna iti panagrames ti naipila iti korte para iti panakaipaay ti hustisya kadagiti biktima.
Imbinglayna pay ti opisyal nga agtultuloy ti panangipaayda iti counselling ken support services kadagiti biktima tapno maipasigurado a natalgedda kontra iti panag-abuso.
