BAGUIO CITY – Ngimmato ti bilang dagiti menor de edad wenno ubbing iti siudad a natiliw gapu iti panaglabsingda iti curfew hour ordinance ti Baguio City kalpasan a napalukayan dagiti restrictions ti COVID-19.
Iti interview ti Bombo Radyo Baguio kenni PLTCOL. JUDY JASMIN PALICOS, dadaulo ti Comunity Development Affairs Unit ti Baguio City Police Office, nanayunan ti bilang dagiti menor de edad a natiliwda kalpasan a napalukayan dagiti restrictions iti panagruar ti ubbing.
Kinunana nga amin met dagiti menor de edad a mabagbagaanda wenno matiliwanda ket maipaspasidong iti community service a kas nailanad nga pannusa ti ordinansa kadagitoy.
Kagiddan iti dayta, inyunay-unayna ti responsibilidad dagiti nagannak ken guardians nga iwanawan dagiti annakda tapnu maliklikan a lumabsingda kadagiti pagaladan wenno mairaman kadagiti krimen.
Dinakamatna pay a responsable dagiti annak iti aniaman a panaglabsing iti linteg dagiti menor de edad isunga rumbeng a maiparbeng kadagitoy ti umno a sursuro.
