--Ads--
BAGUIO CITY – Bimmaba ti bilang dagiti motorista a nagpakabit iti Radio Frequency Identification (RFID) stickers iti siudad nu idileg idi napalpalabas a tawen.
Sigun kenni Enrico Mateo, team leader ti public order and safety division, dumanon laeng iti 80 a lugan ti nagpakabit idi kalman manipud iti nasurok 300 a lugan a sigud nga agpakabkabit iti RFID sticker.
Kinunana a dagiti maikabit nga sticker ket autosweep manipud iti san miguel corporation a maikabil iti headlight ken windshield ti lugan.
Inayonna a naituding ita nga aldaw nga agleppas ti panagpakabit iti sticker sadiay Loakan, Baguio City rason a saan paylaeng a maiyaplikar ti coding scheme tapnu makapagpakabit dagiti motorista.
