Ngimmato dagiti kaso ti vehicular traffic accidents ken reckless imprudence resulting in multiple injuries iti rehiyon Cordillera kabayatan ti holiday season.
Iti panakiuman ti Bombo Radyo kenni Police Lieutenant Colonel Carol Lacuata, Spokeperson ti Police Regional Office-Cordillera, kinunana a ti adu a panagbiahe dagiti tattao kabayatan ti Paskua ken baro a tawen ti maysa a rason iti panagngato iti bilang dagiti nailistada vehicular traffic accidents iti rehiyon nu sadino, agparparang met a loose break ken ti saan a panakakita iti kasasaad ti lugan dagiti biaheros ti makaigapo iti panakaaksidente dagitoy.
Nupay kasta, imbinglay ni Lacuata a kaadwan kadagiti karaman iti aksidente ket nagsagrap laeng iti minor injuries.
Iti sabali a bangir, nakasaganan dagiti pulis para iti umadanin nga eleksyon iti laksid a kain-inana laeng dagitoy manipod iti panakakumikomda idi kalleppas a panagsangbay ti yuletide season.
Kinuna ni Lacuata nga under control dagiti amin a probinsya iti rehiyon Cordillera para iti Local ken National Elections inton Mayo ita a tawen.//Bombo Mera Pacpacan
