Bilang dagiti overseas Filipino workers manipud iti rehion Cordillera, umad-ado

BAGUIO CITY – Umad-ado ti bilang dagiti overseas Filipino workers (OFWs) nga agtataud iti rehion Cordillera.

Sigun kenni Aldrin Bahid, dadaulo ti Statistical Operations and Coordination Division ti Philippine Statistic Authority, dumanon ita iti agarop 45,000 ti bilang dagiti OFWs a tubo ti Cordillera.

Kinunana nga iti nasao a bilang dagiti OFWs, kaaduan ti nagtaud iti probinsia ti Benguet a dumanon iti nasurok 12,000; sumaruno ti siudad ti Baguio a 10,000 ken ti probinsia ti Abra a dumanon iti 9,000.

Innayonna nga ad-ado latta dagiti babbai nga OFWs a bukbuklen ti 68 percent bayat a 32 percent laeng dagiti lallaki nga OFWs.

Naamuan pay a kaaduan kadagiti OFWs ket nagturpos iti sekondarya.