--Ads--
BAGUIO CITY – Nanayunan iti dua ti bilang dagiti pimmusay iti COVID-19 iti Cordillera idi kalman.
Daytoy ket kalpasan a pimmusay ti saggaysa a pasiente ditoy Baguio City ken sadiay Benguet.
Maibasar iti datus ti Department of Health – Cordillera, nailista met ti 78 a nakarekober iti rehion idi kalman.
Manipud iti bilang dagiti naimbagan, nailista ti 52 ditoy siudad, 25 iti Benguet ken maysa iti Ifugao.
Nailista met ti 44 a kabarbaro a kaso, no sadino, 20 ti manipud Baguio City ken 24 sadiay Benguet.
Dumanonen iti 5,381 ti pakabuklan a kaso ti COVID-19 ditoy rehion no sadino 419 ti aktibo a kaso, 4,911 dagiti nakarekober ken ti 60 a pimmusay gapu iti COVID-19.
