Kinumpirmar ti otoridad idiay Nepal a dumanonen iti agarup 157 ti pimmusay ken addu pay laeng ti mapukpukaw kalpasan iti napasamak a glacier flood iti Nepal-Tibet border.
Saan pay laeng a nalawag nu kasano a napasamak ti panaglayos iti nasao a lugar. Nupay kasta, patien dagiti Nepali officials a linmukneng ti daga iti aglawlaw gapu iti napasamak a gingined iti rehiyon, sumagmamano nga oras sakbay a napasamak ti nasao a flooding.
Inyebkas met ni Indian Prime Minister Narendra Modi ti pannakipagriknana iti napasamak a flooding. Kagidan dayta, nangipatulod ti pagilian nga India iti eroplano iti border. Karamanen ditoy dagiti emergency items pakairamanan ti temporary shelters, blankets, hygiene kits, solar lamps, ken agas.
Kanayonanna, immunan nga impakaammo dagiti otoridad a dumanon iti 340 dagiti inisyal a bilang dagiti foreigners a mapukpukaw gapu iti napasamak.
Karaman ditoyen ti 47 manipud Estados Unidos.
Dagos met a nakikoordinar ti U.S. State Department iti lokal a gobyerno ti Nepal tapno makitinnulongda iti panangsarak kadagiti mapukpukaw.
Nakikooridnar metlaeng ti pagilian a Canada ken impetteng ni Canadian Prime Minister Mark Carney a nakasaganada a tumulong kasaruno iti panangkumpirmar ti Tourism Ministry ti Nepal a 24 a Canadian tourist ti mapukpukaw gapu iti napasamak.
Kabayatanna, agingga ita a gundaway, mannarimaan pay laeng ti search operation iti nasao a pasdek.