Dumanonen ti bilang a 62 dagiti nakumpirmar a pimmusay manipud iti pannakalned ti MV Trisha Kerstin 3 idiay Basilan sigun iti Philippine Coast Guard (PCG).
Kalpasan daytoy iti panangrecover ti Philippine Coast Guard technical drivers ti uppat pay a bangkay iti naisayangkat nga underwater operations idi kalman.
Iti agdama, 293 ti bilang dagiti nailista a survivors ken 17 met nga indibidwal ti mapukpukaw.
Ti agtultuloy nga underwater rescue a maisaysayangkat sadiay ket babaen iti nagtipon nga initiatiba ti Philippine National Police-Scene of the Crime Operatives (PNP-SOCO), City Disaster Risk Reduction and Management Office (CDRRMO), Coast Guard District Southwestern Mindanao (CGDSWM), ken dagiti pappamilya dagiti biktima nga innaldaw a makikokoordinar kadagiti interagency search and rescue authorities. // Bombo Karen Calpoe Sapirao
