BAGUIO CITY – Nanayonan ti bilang dagiti pimmusay ken aktibo a kaso ti COVID-19 iti rehiyon Cordillera kalpasan a nailista ti 44 a kanayonan a panagpositibo iti nasao a sakit ken maysa nga ipupusay idi kalman.
Bukbuklen daytoy ti 22 iti Baguio City, 14 iti Benguet, 6 iti Ifugao ken 2 sadiay Kalinga.
Karaman ditoy ti maysa a 106-anyos a lalaki manipud Irisan.
Kabayatanna, nailista ti 120 a baro a kaso ti panagimbag manipod iti COVID-19 ditoy rehion, no sadino daytoy ti kangatuan a rekord a nailista iti uneg laeng ti maysa nga aldaw.
Bukbuklen daytoy ti 103 a panagrekober iti siyudad ti Baguio ken 17 a panagrekober iti Benguet.
Nupay kasta, nairekord ti Benguet ti maikalima nga ipupusay daytoy idi kalman gapu iti COVID-19 no sadino, ti biktima ket 82-anyos a babai manipud Buguias a nagpositibo iti nasao a sakit idi October 5.
Naamuan nga addaan iti an acute respiratory failure ken dadduma nga an-anayen ti nasao a senior citizen.
Kabayatanna, dumanon iti pakabuklan a 2,122 ti kaso ti COVID-19 ditoy rehiyon a bukbuklen ti 636 nga aktibo a kaso; 1,464 a panagrekober ken 22 nga ipupusay.
