--Ads--
Ngimmato dagiti bilang dagiti tattao a nagbakwit sadiay Cagayan gapu iti bagyo nga Ofel, ti maika-innem a bagyo a nangdalapos iti nasao a probinsya iti las-od ti agarup makabulan.
Maibasar iti report, dumanon iti agarup lima ribo a katao ti adda kadagiti evacuation centers.
Nupay kasta, manaynayunan dagitoy rason nga agbalbalin a pakaseknan nu kasano a maakomodar dagiti daduma a pamilya a nagbakwit gapu ta awanen ti klassroom a maaramat.
Nagbalin metten a zero visibility dagiti kalkalsada bayat a napukaw ti kuryente dagitoy manipud idi kalman ken saan a nasayaat ti linya ti komunikasyon dagitoy.
Kabayatanna, agtultuloy ti ipatpatungpal dagiti otoridad a clearing operations ken rescue operations.
