Ngimmato iti walo pulo ket maysa ti bilang dagiti tattao a pimmusay gapu paylaeng iti bagyo a Kristine.
Sigun kenni Quezon City, Office of Civil Defense Administrator ken Undersecretary Ariel Nepomuceno dagiti bilang a naireport ket manarimaan paylaeng iti pannakavalidate ken verification.
Kaaduan kadagiti pimmusay iti daytoy ket manipud iti CALABARZON a nakailista iti uppat a pulo ket walo, sarunuen ti Bicol Region partikular iti region 5 a nakailista iti dua pulo ket walo a casualties.
Malaksid iti dayta, nakailista ti Cordillera Autonomous Region iti dua a casualties, bayat a sag-dua met manipud iti Ilocos Region (Region I), ken Zamboanga Peninsula Region (Region IX)
Impakaammo pay ni Nepomuceno a nakairekord dagitoy iti innem a pulo ket innem a tattao ti nadangran bayat a tallo pulo ket tallo met ti naireport a mapukpukaw.
Kaaduan kadagiti naireport a nadangran ket manipud Region V nga addaan iti innem a pulo sarunuen ti Region VIII nga addaan iti lima bayat a maysa manipud iti Bangsamoro Autonomous Region in Muslim Mindanao.
