--Ads--
BAGUIO CITY – Posible a dumanon iti 1,500 agingga 2,000 nga indibidual ti inaldaw nga akomodaren ti Baguio iti kanito a mapalubosanen ti non-essentials travels kadagiti fully vaccinated nga indibidual ditoy siudad inton sumaruno a lawas.
Dinakamat ti mayor a posible a manayonan pay ti nasao a bilang iti kanito a maobserbaran ti napintas nga epekto daytoy.
Immunan nga inlawlawagna a pakanailukat ti Baguio kadagiti non-essential travellers ket kagiddan ti panagbaba ti kaso ti COVID-19 ditoy lokalidad.
Impanamnamana met nga ad-adda a mairtengan ti implementasyon dagiti pagalagadan iti panaglukat ti non-essential travels.
Maipalpalagip latta ti panagparehistro dagiti turista iti Baguio VISITA website.
