Naobserbaran ti nangatngato a bilang dagiti turista a simmangbay iti Probinsya iti Benguet ita a tawen nu idilig idi napalabas tawen.
Iti panakiuman iti Bombo Radyo kenni Eleazar Carias, Tourism Officer iti Probinsya iti Benguet, imbinglayna a dumanon iti 1.3 million ti nailista dagitoy a bilang dagiti turista iti agdama a tawen.
Kaaduan kadagiti sumarsarungkar ket dagiti metlaeng umili a Pilipino partikular dagiti manipud iti Bicol Region, National Capital Region, Quezon Province, Pangasinan ken dadduma pay.
Kangrunaan a pagturturungan dagiti turista ti Strawberry Farm idiay La Trinidad, ti Mt.Pulag, ti Flower Farm idiay Atok, ken dagiti sumagmamano a swimming pool iti Benguet.
Mainaig iti dayta,imbinglay ti opisyal a nanayunan ti homestay kadagiti munsipyo iti Kabayan, Atok ken Itogon.
Kabayatanna, naipatungpal ti re-orientation kadagitoy tapno agtultuloy ti napintas a panakaakomodar dagiti sumangbay a turista.//Bombo Marielle Apat
